Unitate hemodinamikoak onurak ekarriko dizkie gipuzkoako erabiltzaileei, aurrerakuntza teknologikoak, besteak beste.

Joan den azaroaren 16an jarri zen martxan unitate hau, Gipuzkoako Osasun Saileko Lurralde Zuzendaritzak eta Do­nostia ospitaleak berak ­ados­­tutako proposamen baten ondorioz. 2010eko azaroaren 16az geroztik eta urtarrilaren 10era bitartean, 198 diagnosi-kateterismo eta koronarioetako angioplastia 151 egin ziren.

Gainera, esku-hartze guztietatik 45, sindrome koronario ­akutua zuten larrialdietako pazienteei egin zitzaizkien.Horrela, unitate berri horren bidez, urte honetan egingo diren kateterismoen kopurua 1.100 eta 1.200 artekoa ­izango dela aurreikusten da; bestalde, koronarioetako angioplastiena 750 eta 850 bitartekoa izango dela uste da.

Donostia ospitaleko unitate hemodinamikoan harrera dute probintzian larrialdietako arreta behar duten kasu guztiek. Salbuespen bat egon badago, De­ba Garaiko Ospitalea erreferentziako ospitale duten per­tsonak dira, kasu horiek Txa­gorritxu Ospitalera bideratzen baitira normalean.

Donostiako Ospitalean He­mo­dinamika Unitatea ireki izanak onura garrantzitsua dakarkie gaixoei. Besteak beste, teknologia eta makina hobeak edo gaixoen beharrezko lekualda­tzeak eta anbulantzia medikalizatuak erabiltzea sa­ihes­ten du unitateak. Gainera, gaixotasunak irauten duen prozesu osoaren arreta ospitalean bertan jasoko dute.

Teknika aurreratuak. Biho­tze­ko kateterismoen ­eta koro­nariografien helburua bi­hotz-barrunbeak eta arteria koro­narioak baloratzea da, eta Ospi­taleak duen unitate berriari esker, hemodinamika-gela ­osa­tuagoa izango dute erabil­tzaileek. Gainera, larruazaleanzeharreko angioplastia trans­luminalak egiteko abagunea ­izan­go da. Aipaturiko hori, arteria koronarioen hertsa­du­rak edo buxadurak trata­tzeko erabiltzen den teknika da eta bere prozedura katete­ris­mo­aren edo korona­riogra­fiaren antzekoa da.