Bilboko udalak bizikletak maileguan hartzeko erraztasun gehiago eskainiko ditu.

Bilboko Udalak bizikletak maileguan hartzeko duen zerbitzua berritu egingo du, mugikortasun sistema iraunkorra eta azkarra gara­tzea helburutzat hartuta, eta eguneroko ­erabileran pentsatuta.

Horrela, bost urteko esperientziaren eta 31.200 erabil­tzaileren ondoren, sistema automatikoa jarriko da abian laster. Proiek­tua Bilboko Udalaren ‘Inbertsio eta Enplegu Plana, Bilbao 2010’ planean sartu da ­eta zerbitzua otsailaren bigarren astean martxan ­egotea espero da. Zerbitzu automatikoa urte ­osoan zehar egongo da erabilgarri, Aste Nagusian eta Gabo­ne­tan ­izan ­ezik. Gainera, zerbitzu honen lehenengo fase honetan 260 bizikleta berri gehituko dira. Hauek berriak izango dira; aproposak hiriburutik ibiltzeko.

Beste berritasun garrantzi­tsuen ar­tean, mailegu-gune ge­hia­go egotearena izango da. Orain arte, 11 egon dira eta zerbitzu berriarekin 19 izango dira. Bes­tal­de, bizikletak hartzeko ordutegia ere zabalagoa izango da; 07:45etik 21:30era. Txi­rrin­­du­lak, gehienez ere, bi orduz erabili ahal izango dira eta zerbitzua ­erabiltzeko, gu­txie­nez, 16 urte ­beharko dira.

Bizikletak maileguan har­tzeko zerbitzua 2006ko uztailean jarri zuen abian Udalak. Egun, eskaintza zabala da. Bilbon 25 kilometro bidegorri inguru daude; baina, 2007ko azaroan bidegorrien plan berezia onartu zenetik, ia bikoiztu egin da bidegorrien luzera. Orain­goz sistema doakoa bada ere, 2011ko udazkenetik aurrera ordainpekoa izatea aurreikusi da; urtean 20 euro