Taskas Mungiako jatetxeak gazta  lehiaketako irabazlearen pieza erdiagatik  7.700 euro ordaindu zituen.

Urriaren 25ean, hilabeteko azken astelehenean, Ger­ni­kak bere azokarik ospetsuena hartu zuen. Orotara, 353 erakusmahai izan ziren aurten topagune gastronomikoan; Pase­aleku, Arte­kale, San Juan Ibarra ­eta Juan Kaltzada kaleetan barrena. Ohi­koa denez, gazta, eztia, ­txakolia, sagardoa, fruituak, barazkiak... dastatzeko eta erosteko aukera ­egon zen. Bes­tetik, artisautza lanak, nekazari­tza eta burdindegiko produktuak eta abereak (oilaskoak eta un­txiak) bildu ziren Gernikan.

Merkatu honetara Bus­turialde ­osoko sal­tzaileak eta erosleak hurbiltzen dira. Hori del eta, Euskal Herrian egiten diren merkatu tradizional ospe­tsuenen artean dago.

Goizean goiz, lore eta landare, barazki, fruitu, gazta eta edari lehiaketak egin ziren. Eguerdi aldera, sarien banaketa burutu zen. Dohain garrantzitsuenen artean ardi-, ahuntz- eta behi-gaztaren lehiaketa aurkitzen da eta aurtengo ­irabazlea Aranburu elkartea izan da. Baina produktuen salerosketak bukatuta, giroak arra­tsaldean izan zuen jarraipena. Bertsolariek, kaleko animazioak, pilotak, zesta-puntak, erremonteak ­eta eskuko partiduek hartu zuten lekukoa, urtero legez.