Enpresak eta ekoberrikuntza sustartzen dituen ekimen berria aurkeztu zuten bilbon.

Bizkaiko hiriburuan kokatutako Euskalduna Jau­re­giak ‘Bilbao Ecodesign Me­eting’ nazioarteko topaketa hartu du azaroaren 9an. Helbu­rua enpresen alorreko ekodiseinuan berritzea izan da.

Honela, ETEn eta ingurugiroaren artean sortzen diren harremanetan hausnarketak burutu dira. Esate baterako, ekoberrikuntzaren testuinguruari dagokionez, ezagutzak trukatzeko aukera izan zuten; bestetik, etorkizunari begira, Europar Bata­su­nak dituen ekintza-lerroak plazaratu ziren. Bileran parte hartu zuten: Alemania, Erresuma Ba­tu­a, Suedia, Frantzia, Holanda, Belgika eta Euskadiko ordezkariek. Euskadiri dagokionez, ­‘know-how’ sarean murgiltzeko abagunea izan zuen eta, aldi berean, ekodiseinuaren esparruan dauden laguntzetan parte har­tzea. Gainera, eman daitezkeen lehiakortasun-abantailak edo hornikuntza katea hobeto ezagutu egin da topaketa hauekin. Horrez gain, ekimen eta proiektu berriak aurkeztu zituzten.

Erakundearen politiketan ­ekodiseinua eragiten dutenei, produktu eta zerbitzuen teknikariei edo diseinatzaileei zuzendu zaie ekimena. Adibidez: enpresa industrialei (makineria, sektore elektrikoa eta elektronikoa, berriztagarriak, garraioa eta mugikortasuna, ontziratzea eta elikagaiak, eraikuntzako materialak, altzariak... lantzen dituztenei); erakunde berritzaileei, in­geniaritza-erakundeei; Clus­terrei eta Enpresa-elkarteei; zi­ur­tapen-erakundeei edo Ins­ti­tutu teknologikoei.

Basque Ecodesign Center. Eki­mena Ecodesign Meeting 2011 biltzarraren esparruan aurkeztu da. EAEko sei talde enpresarialek hartu dute parte pro­iektu berri honetan; gainera, Euro­pa­ko hegoaldean sortu den mota honetako lehenengo gunea da. Ekodi­seinuari dagokionez, erreferente bihurtu nahi dute ‘Bas­que Eco­design Center’ Europan. Hel­bu­rua enpresen lehiakortasuna indartzea eta ­ekodisei­nua­ren ezagutzak aplikatzea dira, bes­teak beste.

Ekimena babestu duten enpresak honakoak izan dira: Ormazabal, Iberdrola, Vi­cinay Cadenas, Ihobe, Gamesa, CIE Automotive eta Fagor Elec­tro­domesticos. “Berrikuntza-gunearen eraketa euskal enpresek, Eusko Jaurlaritzaren babesarekin, ekodiseinuaren arloan hamarkada batez egin duten lanaren emaitza da, eta haien lehiakortasuna indartzea eta produktuaren bizitza-ziklo osoan ekoberrikuntza sustatzea du helburu”, azaldu zuen Pilar Unzalu In­gurumen sailburuak.