Euskadiko kalitateko eta jatorrizko bereizgarri guztiak bildu dira baterako sustapen bati begira; asteburuan, Plaza Barrian, Eusko Labela duten produktuen, Jatorrizko Deitura dutenen eta Ekoizpen Ekologikoa dutenen erakusketa eta salmenta egin da. Jarduera paralelo ugari egin dira: elikagaien nahiz edarien dastatzeak, txikienei zuzendutako ekintzak...

Zapore Onen Azoka izeneko Kalitatea Azokaren eszenatoki izan da Bilboko Plaza Barria, urriaren 28tik 30era. Ekitaldi honetan, Euskadiko kalitateko eta jatorriko bereizgarri guztiak egon dira (Eusko Label kalitateko bereizgarria duten 14 produktuak, Jatorrizko Deitura duten produktuak eta Nekazaritza Ekologikoko produktuak). Ekitaldi horretarako jarri den karparen barruan 26 stand izan dira, eta erakusketaren eta dastatze-ekitaldi horien bitartez ondorengo produktuak aurkeztu dira: Euskal Okela, Euskal Baserriko Oilaskoa, Euskal Esne Bildotsa, Hegaluzea eta Hegalaburra, Euskal Baserriko Arrautza, Euskal Esnea, Arabako Patata, Gernikako Piperra, Euskal Tomatea, Ibarrako Piparrak, Euskal Babarrunak, Euskal Letxuga, Sagardo Naturala, Idiazabal Gazta, Arabako Txakolina, Bizkaiko Txakolina, Getariako Txakolina, Arabako Errioxako Ardoa, Ekoizpen Ekologikoa eta Euskal Herriko Kantauriko Hegaluze eta Antxoaren Kontserbak. Horrez gain, Nekatur elkartearen stand bat ere izan da, Euskadiko landa-turismoari buruzko informazioa eskaintzeko.