Artez Euskara Zerbitzuak Kooperatibak hitzaldi-jar­dunaldi bat antolatu zu­en otsailaren 2an, Bizkaiko Fo­ru Aldundian. “Kooperatiben ­azala eta mamia, pertsonak protagonista” izeneko Topaketetan lana eta langileak elkar nahastu zituen alde bakoitzaren baloreak eta garrantzia agertuz.

Egitaraua zabala izan zen. Eki­taldiari hasiera emateko, Ja­bi­er Goienetxeak, Euskadiko Koo­peratiben Konfederazioko Lehen­dakariak, hitzaldia eskaini zuen. Ondoren, Borja Lastra, Bizkaiko Foru Aldundiko Ekonomi Susta­pen Saileko Enpresen garapenerako atal burua, aritu zen “Zer da pertsonengan oinarritutako eraldaketa?” gaiarekin. Ildo horrekin jarraituz, Eva Isasik, pertsonengan oinarritutako eraldaketan ­aholkulari berezituak beste galdera bati erantzuna ematen saiatu zen, “Zergatik inbertitu pertsonengan?”.

Gonbidatuek eman zituzten hitzaldiak eta gero, Leire Solo­za­balek, Artez Euskara Zerbitzuko gerenteak, kooperatibak zergatik diren aproposak azaltzeari ekin zion. Gainera, Arritxu Zelaia, Es­tiñe Astorkia eta Pello Ruiz de Agi­rre, Artezeko kideek, parte hartu zuten eta amaitzeko, hausnarketa tailerra antolatu eta ondorioak atera zituzten.

Antolatzaileek ekitaldian ­agertu zuten moduan, “Koope­ra­tiben egitura apro­posa da pertsonengan oinarritutako eraldaketa bideratzeko”.