Sariek enpresen kudeaketa linguistikoaren kalitatea egiaztatzen dute. Aurten, zazpik oinarrizkoa eskuratu dute, beste hainbestek zilarrezkoa eta bostek, urrezkoa.

Bikain Euskararen Kalitate Ziurtagiriak banatu berri dituzte, Bilboko Guggen­heim museoan. Hala, Blanca Ur­gell Eusko Jaurlaritzako Kultura sailburuak, Lurdes Auzmendi Hizkuntza Politikarako sailburuordeak eta Nuria Lopez de Guereñu Confebask-eko idazkari nagusiak ziurtagiriak eskaini zituzten.

Euskararen errekonozimendu hauek Eus­ko Jaurlaritzak ­ematen duen ziurtagiri ofizial, publiko eta doakoa da, eta euskararen presentzia, erabilera eta kudeaketa egiaztatzen duten enpresa nahiz erakundeei ematen die. 2009. urtean 25 erakundek jaso zuten ziurtagiria; 2010ean, berriz, 19k, aurten bezala.

Bikain 2008. urtean sortu zuen Eusko Jaurlaritzak, enpresen kudeaketa linguistikoaren kalitatea egiaztatzeko, enpresek zenbateraino darabilten euskara neurtzeko. Orain arte 93 ziurtagiri eman dira, aurtengoak barne, hiru mailak kontuan hartzen baditugu: oinarrizkoa, tartekoa edo zilarrezko eta gorena edo ­urrezkoa. Hala, 2011n ziurtagiria erdietsi duten 19 erakunde ­eta enpresatatik zazpik oinarrizkoa eskuratu dute, beste hainbestek zilarrezkoa eta bost erakunde ­edo enpresak urrezkoa.

Ziurtagiria ebaluatzaile talde batek eginiko kanpo-ebaluazioaren ondoren lor daiteke. Lan horretan, ebaluatzaileen lana ezinbestekoa da, taldean aritzen dira eta ebaluazio bakoitzeko lan talde bat osatzen da. Egun, Bika­i­neko Ebaluatzaile Klubak 225 pertsona ditu eta aurtengo ebaluazioan 86 ebaluatzailek hartu dute parte. Ildo horretatik, Blan­ca Urgell Eusko Jaur­laritzako Kultura sailburuak argi eta garbi esan du “ebaluatzaile boluntario horien laguntza eta ­ekarpenik gabe ezinezkoa litzatekeela Bika­in ziurtagiri-sistema aurrera eramatea”.

Euskararen normalizazioa lortzeko ahalegin horretan, lan munduak ere funtzioa ga­rran­tzitsua betetzen du inondik ere. Auzmendiren aburuz, “lantokietan euskararen presentzia ­eta ­erabilera bultzatu behar dira politika eraginkorrak abian jarrita, eta enpresaburu, sindikatu nahiz langileen laguntza eta parte-har­tzearekin. Euskarak balio ­eran­tsia ematen dio enpresari, ­eta enpresek beraiek ere ekarpen handia egiten diezaiokete eta ­oraindik gehiago egin diezaiokete euskarari”.

Urrezko ziurtagiria lortu dute honakoek: Elay, Elgoibarko Ikas­tola, Birzikla, Bermeo eta Arra­sateko Udala. Zilarrezkoa: CAF, TSST, Copreci Koope­ra­ti­ba, Ilarki Elkargoa, Kursaal El­kar­gu­nea, Mendaroko Ospitalea eta ­GFA. Oinarrizkoa: Gipuz­ko­a­ko Emergentziak UTE, Ortza­dar SL, Zumarragako Ospitalea, Cav­sa, Encartaciones SA, Osa­­ki­detza Gipuzkoa Mendebaldeko Esku­al­dea eta Galdakao-Usan­solo Os­pitalea.