Elkargi, E.G.E.k Elkarre­ki­ko Garantia Elkarteak antolatutako ‘Fi­nantza Zu­zen­daritzaren ­eginkizuna enpresen lehiakortasunaren hobkun­tzan’ izeneko jardunaldiak maila goreneko gaurkotasunezko hi­tzaldiak bildu zituen irailaren 21ean Bilboko Euskalduna Jau­regian.

Inaugurazio hitzaldia Eusko Jaurlaritzako Ekonomia eta Oga­sun Sailburua den Carlos Aguirrek eskaini zuen. Honela, Sailburuak egungo testuinguruaren gaineko testuingurua islatu zuen. Bestetik, euskal ekonomiaren hazkunde aurreikuspena azaldu zuen. Ostean, Vic­toriano Susperregui, Elkargiko presidentea, eta Jesus Alberdi, Aholkulari delegatua aritu ziren eta programako hitzaldiei eman zitzaien hasiera.

Foroan enpresaren finantza, ekonomia eta kudeaketari buruzko alor nabarmenenak errepasatu ziren; adibidez: aurrekontuen egonkortasuna eta finantza kontrola; merkataritza-arriskuaren, kobrantzaren eta berankortasunaren kudeaketan efizien­tzia; egungo ingurunean likidezia kudeatzeko gakoak...

Finantza aretoa.
Foroan, hitzaldiekin batera, Finantza eta Diru­zaintzaren Aretoa burutu zen. Ber­tan, Elkargiren Finantza Ah­ol­kularitzaren Saileko adituak ­eta enpresen finantza kudeaketaren inguruko zerbitzuak eskaintzen dituzten beste enpresetako profesionalak elkartu ziren. Stand desberdinetan irtenbideak ematen aritu ziren foroa iraun bi­tartean.

Egun, Elkargi erreferentea da enpresa-finantzaketan eta informazio, trebakuntza edo kudeaketa-finantziarioan. Victoriano Susperregui Elkargiko presidenteak foroan bertan adierazi zuenez, “Elkargitik, beste neurrien artean, kudeaketa ekonomiko-finantziario bikain baten aldekoak gara, krisialdiari au­rre egiteko tresna egoki gisa”.