Estatu mailan erreferentzia zentrua dela, sektorea profesionalez elikatzen du. Irudia, irudi laborategia, soinua edo ikus-entzunezko eta ikuskizunen errealizazioa jorratzen ditu.

Mundu honetako sektore guztietan bezala, zazpigarren artea deitzen den honek gorabehera dezente pasa behar izan ditu historian zehar. Askok zinea krisi garaian dagoela aipatzen badute ere, Ando­aingo Zine eta Bideo Eskola ­abian ipini zenetik, bertara ikastera gerturatu diren ikasle-kopuruak kontrakoa esaten du. Izan ­ere, ZIBIESek 25 urte inguru daramatza ikus-en­tzunezko sektorea profesionalez elikatzen. Hain garrantzia handia lortu du denbora tarte honetan, estatu mailan erreferentzia zentru bat izatera bilakatu dela.

Prestakuntza erabat praktikoarekin, sormenari eta jarrera ­ekintzaileari garrantzia handia ­emanez, eta sektoreko zenbait en­presen laguntzarekin, ikus-entzunezko formakuntza zentro erreferentea izatea lortu du ZI­BIESek. Horretarako, zenbait baloreri garrantzia handia ematen diote bertako irakasle zein langileek. Horietako bat kalitatea da, “Zine eta Bideo Eskolako estrategian lehentasunetako bat”. Ku­deaketa eredua, pertsonekiko eta lan egiteko modu malgu batera zuzentzen da. Beste batzuren artean, denbora, komunikazioa eta prestakuntzaren erabilera hobe bat erdietsi nahi da; partaidetza handiagoa, bezeroen asebetetzea eta motibazioa lortuz.

Hau horrela izanda, eskolak zenbait helburu lortu nahi ditu. Horien artean, lehenago aipatutako Euskadiko ikus-entzunezko Lanbide Heziketako eredu zentroa izatea dago, eta baita laneratze maila handiena lortzea ere, beste zenbait helbururen artean. Hori dena lortzeko, beste zenbait gauzen artean, ikus-entzunezko heziketan kalitatezko lana eta lantaldeak sustatzea berebizikoa ikusten dute ZIBIESen.

Andoaingo eskola hau Eusko Jaurlaritzaren Hezkuntza Saila­ren­gatik homologatuta eta kon­tzertatuta dago, eta Irudi eta Soinuko ziklo guztiko Titulu Ofizialak eskaintzen ditu: irudian, soinuan, produkzioan, ­erre­alizazioan eta irudi laborategian. Hala, Lanbide Heziketako Goi Mailako (soinuan, irudian, errealizazioan eta produkzioan) eta Erdi Mailako Titulazioak ­(iru­di laborategian) eskaintzen ditu.

Goi Mailako Lanbide Hezi­keta Berezian matrikulatu ­ahal ­izateko beharrezkoa da hauetako tituluren bat izatea: Batxilergoa, Batxilergo Esperimentala, UBI ­edo eta Teknikari Espezializatua, Goi Mailako Teknikaria edo baliokidea izatea. Baldintza hauek betetzen ez badira eta 20 urte baino gehiago izanez gero, froga bat egitea beharrezkoa da. Fa­milia hauetako zikloek bi ikasturtetako iraupena daukate eta denetara 2.000 eskola-ordu eskaintzen dira. Bigarren mailan, aldiz, 400 bat ordu ematen dira en­presetan (Lantokiko prestakuntza, LTP). Azken modulo hau nahitaezkoa da titulu ofiziala lortu ahal izateko.

Bestalde, Erdi Mailako Lan­bide Heziketan matrikulatu ahal izateko beharrezkoa da BBBko 2. Maila, LH1 edo REM­eko 1.go zikloko ikasketak izatea. Lanbide familiako ziklo ho­nek bi ikasturtetako iraupena du ere, denetara 1.400 eskola-ordu egiten direlarik. Bigarren mailan beste 400 ordu enpresetan egitea nahitaezkoa da Lantokiko Prestakuntza (LTP) moduloaren barne.

Matrikulak. Irudia: Kurtso honetan argazki ­irudien azalpenak erabilera ezberdinetan azaltzen da. Honez gain, ikuskizun guneen iluminazioari, filmaketa edo ­ikus-entzunezkoen grabaketari, prozesaketaren kalitate kudeaketari eta argazki eta zine materialen tratamenduari buruzko lanbide ezagutzak lortzen dira. Irudi eta ­operadore teknikari (bideo, telebista eta zine kamara), antzoki, zine, bideo eta telebistan iluminatzaile teknikari edota argazki teknikari bezala lan egiten ­amaitu daiteke.

Soinua: Ikus-entzunezko, ­irra­­­tiko eta argazkietako produkzioen soinuaren azalpen, harrera, ­erregistro, emisio eta tratamenduari buruzko, antzezpenen sonorizazio industrialari buruzko eta ikusentzunezkoen produkzioaren audioaren postprodukzioari buruzko lanbide ezagutzak lortzen dira. Lantokiak honakoak izan daitezke: irrati, zine, musika estudio, antzerki, ­ikuski­zunen sonorizazio, edizio eta soinu teknikaria, zein irrati, zine eta telebistako audio postprodukzio teknikari postua.
Ikus-entzunezko, irrati eta ­ikuskizunen produkzioa: Ikus-entzunezko produktuen, telebistako programen, irrati saioen, antzespenen eta emanaldien kudeaketa edo gestioari, ikuskatzeari eta antolaketari buruzko lanbide ezagutzak lortzen dira. Telebistako programen, zine eta bideo lanen, irrati saioen, antzezpenen eta antzerki lanen produkzioan lan egin daiteke.
Ikus-entzunezko eta ikuskizunen errealizazioa: Ikus-en­tzunezkoen eta multimedia produkzioak, muntai eta edizio prozesuak, ikus-entzunezkoen postprodukzioa eta antzezpenen bilakaeren koordinaketa errealiza­tzeko lanbide ezagutzak lortzen dira. Ondoren, honako postuetan lan egin daiteke: telebistako errealizazioan, zine zuzendari­tzan, zine muntaian, edizioan eta nahasketan teknikari bezala edota bideo postprodukzioan, an­tzezpen zuzendaritzan eta an­tzerkian errejidore bezala.

Irudi laborategia: Ziklo honekin prozesaketa lanak eta material fotosentikorren tratamendua lantzen dira prozesaketa eta denbora jakinetan, eta bezeroen nahietara zehaztuak. Modulua bukatzerakoan, argazki irudien edota zine irudien prestaketan, kontrolaketan, prozesaketan, tratamenduan eta irudi landuetan teknikari bezala sar daiteke lan merkatuan.

Mugikortasun programa.

ZI­BI­ESek mugikortasun plana deri­tzona ere abian du duela urte ba­tzuez geroztik. Gauzak hala, ha­uek dira Erasmus eta Leo­nar­do da Vinci Europar Mugikor­ta­sun Programen barruan parte har­tzean bisitatu eta lan praktikak ­egin dituzten herrialdeetariko batzuk: Polonia, Hungaria, Fin­landia, Errumania, Grezia, Mal­ta, Italia, Alemania, Dani­marka, Herbe­he­reak, Fran­tzia, Erresuma Batua ­eta Por­tugal. Ikasleek telebistarako telesailen, filmeen eta publizitateen filmaketan parte hartu dute, kontzertuak soinuztatu dituzte, antzerkiak argiztatu... edozein motako praktikak ­egiteko aukera izan eta izango dute.

Bestalde, ZIBIESek etengabeko prestakuntza ere eskaintzen du, sektorean lan egiten dutenei eta langabetuei ikastaro ezberdinak egiteko aukera emanez. Hau­ek, gainera, diru-laguntza ­osoa ­izaten dute. Hala, iazko ­ikas­­turtean honako ikastaroak es­kaini ziren: musika produkzioen nahasketa eta tratamendua; soinu teknikaria; zine eta bideoen ­errealizazioa; grabaketa estudioen instalazioa eta doitzea; lan-harremanak; enpresa txikien administrazio, gestio eta komertzializazioa; gidoiaren teoria eta praktika; errealizazioa hiru dimen­tsioetan; argazki irudien edizio analogikoa eta digitala; erreportajeetarako argazkilaritza...

Zinean eta sektore honen inguruan ikastaroren bat egin nahi duenak www.escivi.com webgunean lor dezake informazioa.