Euskara informazio eta komunikazioaren teknologietan
presente egon dadin bizkaiko foru aldundiak 2011ko ekitaldian diru-laguntzak eskaini ditu berriz. Erabakiak lehiaketa jardunbideari jarraituz eta epaimahai kualifikatzaile baten bidez hartu dira.

Betidanik izan da Bizkaiko Foru Aldundia euskararen bultzatzaile. Euskaldunon hizkuntza gi­zartean errotu dadin egindako esfortzuak zabalak izan dira urtez urte; eta horretarako, ha­maika ekimen burutu daitezen,  diru-laguntzak banatzen ditu proiektu desberdinen artean.

Euskara hizkuntza eremu guztietara hedatzeko ahalegin  garrantzitsu horretan, salerosketa harremanak, kulturako, elkarteetako, kiroletako edo erlijiozko jarduerak aurkitzen dira, adibidez; baina, baita, enpresa arloa ­ere. Esparru honetan gizarte eragile garrantzitsuak kokatzen dira: langileak eta ugazabak, esate baterako. Hori dela-eta, 2011ko ­ekitaldian, beste behin, euskararen erabilera hedatzeko planak burutzen dituzten enpresei (merkataritza-erakundeei, enpresaburuei, profesionaleei edo kooperatiba sozietateei) lagundu nahi ­izan die Bizkaiko Foru Aldun­di­ak euskara informazio eta komunikazioaren teknologietan presente egon dadin.

Euskara aurrera egiteko planak asko dira. Hizkuntzaren erabilera areagotzeko ideiak biderkatuz doaz eta Bizkaiko Foru Aldundiak proposamen ekintzaile horiei esku bat luzatzeko grina adierazten du beti. Gainera, euskara planek teknologia berrietan gero eta presentzia handiagoa dute eta horrexegatik, arreta berezia merezi dute; euskara heda­tzea helburu duten gainerako ­ekimenen moduan. Horrela, pa­u­su bat haratago eman eta euskarazko informatika baliabideen azpiegitura eratzea  izan da xedeetako bat.
2011 ekitaldiko diru-lagun­tzak emanda, eta kasu as­kotan jada ordainduta, multzo ezberdinetan sailka daitezkeen pro­iektuak diruz lagundu dira aurten ere.

Alde batetik, euskal kulturaren ondarearen gainean euskaraz dagoen informazioa digitalizatu eta zabaltzea asmo izan duten proiektuak lagundu dira. Adibi­dez, euskarazko multimedia eduki berriak sortutakoak, euskarri fisiko batean (CD, DVD...) edo ­edukien zabalkun­tzarako soilik eratutako web gunean. Bestetik, zerbitzu ­anitzetarako euskarazko web gune berriak edo komunitate birtualak sustatzea helburu du­ten ­egitasmoak ere laguntzeko intentzioa agertu du Bizkaiko Fo­ru Al­dun­diak.

Horiez gain, aisia eta entretenimendurako ekoizkinek, bai eus­karaz dauden bideo-jokoek ­edo ordenagailuzko jolasek (na­hiz eta ordenagailuetan erabiltzekoak ez izan) eta euskaraz sortutako softwarea behar duten jolasek izan dute interesa.

Beste alde batetik, softwarea euskaraz sustatzea eta euskarara lokaliza­tzea xede duten proiektuak ere jo dituzte interesgarri­tzat.

Onartutako proiektu bakoi­tzak ekarpen jakin bat eskura­tzen du, lortutako puntuen arabera. Hau da, aldez aurretik ezarritako irizpideei jarraituz, proportzionalki puntu gehien lor­tzen dituzten eskabideek jasoko dituzte foru diru-laguntzak (kreditu erabilgarriaren barruan de­ial­dian ezarritako mugarekin). Aurkeztutako eskabide horiek Epaimahai Kualifikatzaile batek ebaluatuko ditu aurretik eta le­hen­tasunak ezarriko ditu; ondoren, Biz­kai­ko foru diputatuari eskabide horien ebazpen-proposamena igortzen dio. Azken era­bakiak hartuta, Bizkaiko Al­diz­kari Ofizialean horien berri ematen dira.

Bizkaiko Foru Aldundiak euskararen erabilera gizartearen arlo guztietan sustatu eta zabal­tzeko konpromiso sakona du. Eta ahalegin horretan teknologia berrien eragina probetxuzkoa dela uste du hizkuntza gertatu, prozesatu eta zabaltzeko.

Diru-laguntzen deialdia zabaltzen denean erantzuna arrakastatsua izan ohi da; Bizkaiko Lurralde Historikoan euskara ­areagotzeko ekimenak zabalak dira eta horren alde egiten jarraituko du Bizkaiko Foru Aldun­diak. 

‘Euskaldunon gida berria’ proiektua puntu gehien lortu dituztenen artean aurkitzen da.

Bizkaiko Foru Aldundiak euskara gizartean susta­tzeko eskainitako diru-laguntzen hartzaileetako bat Artez Euskara Zerbi­tzua S. Coop. izan da. Artez erakunde eta udalentzat aholkularitza eskaintzen duen enpresa da eta euskara lan edo zerbitzu-hizkuntza izateko beharrezkoa den aholkularitza teknikoa, prestakun­tza eta laguntza eskaintzen du. En­presak aurkeztu duen ‘Eus­kal­dunon gida berria’ proiektua azken deialdi honetan puntu gehien lortu dituzten ekimenen artean kokatzen da.

Proiektuko arduradunek azaldu duten moduan, ‘Euskaldunon gida berria’ sarean denbora daraman ekimena da. Lehendabizi paperean banatzen zen, baina teknologi berrietara egokitu eta orain euskarri digitalean zabaltzen dute informazioa. Berriztasunari helduta, papera baztertu eta sarea darabiltzate proiektua gara­tzeko.

Euskaraz aritzen diren, hizkuntzan hitz egiteko gaitasuna duten eta lan egiten duten profesional, enpresa, merkatari eta elkarteen tresna da ‘Euskal­dunon gida berria’. Bertan, euskaraz egiteko 28.000 sarrera inguru aurki daitezke. Erabiltzen erraza da ere, bilaketak arloen, udalerrien edo enpresen, pertsonen eta ­erakundeen izenen arabera egin daitezke. Euskaldunak elkar ezagutzeko eta harreman ko­mertzial, administratibo, kultural eta profesionalak euskal hizkuntzan bultzatzeko lanabes lagungarria da.

Gainera, beste gidek ez duten hainbat informazio topa daitezke bertan: fax zenbakiak, posta elektroniko ze­in webguneen helbideak, Ipa­­rraldeko eta Hegoaldeko telefonoak, besteak beste. Euskaldunon Gida hiru aldiz kaleratu da. Lehenen­goa 1990ean argitaratu zen eta orduan, 6.000 helbide zituen. Bi­garrenak, 1996an, 19.000. Eta, hirugarren honek 27.700 fitxa ditu, aurreko gidan baino %45 gehiago.

Elkarlanean burututako proiektua da honakoa eta gida etengabeko eguneratze prozesuan aurkitzen da; hala ere, lau urtero eguneraketa sakon bat burutzen dute Artezen ahalik eta zerbitzu onena eskaintzeko asmoz.