FEMABASK, Altzairu eta Egurraren Euskal Federakuntza jaio da. Euskadiko patronalak ordezkatzen ditu eta 700 enpresa baino gehiago hartzen ditu bere baitan.
Zaila da gaur egun eraikun­tza industrian lan egitea. Krisialdia bete betean jo dio sektore honi eta, dudarik gabe, lehena eta zigortuena izan da. Du­darik gabe? Etxegintzaren esparruarekin batera, zarata askorik gabe, altzairuaren sektorea jausi da. Gizartea ia konturatu ga­be 2007. urtetik Euskal Auto­nomi Er­kidegoan zeuden altzairu eta egurren inguruko enpresen kopurua %40 eta %60ren artean jai­tsi da. Baina, esan ohi den be­za­la: “zu­haitz bat baso erdian ja­us­ten bada eta ez badago inor ­ikus­teko, soinurik ateratzen al du?”. Soi­nurik ateratzen dezakeela demostratzeko jaio da FEMABASK.

Urrian egin zuen bere aurkezpen publikoa eta Araba, Bizkaia eta Gipuzkoako patronaletako zuraren sektoreko zuzendariek ­osatzen dute. Zenba­kieta­ra begira, 730 enpresa eta 3.200 langile baino gehiago ordezka­tzeko eginkizuna dute euren aurrean. Ho­rrela, normala da FEMABASK in­darrarekin sartu izana CON­FE­MADERAn, Espa­iniako zuraren sektoreko konfederazioa.

Ha­la ere, estatu mailan leku ona ­edukitzeko arrazoi nagusia ez dira soilik zenbakiak. Francisco Hui­­dobro, FEMA­BASKeko presidenteak dioenez: “Balentzia edo Ka­ta­lunia ahalmen handiko zonaldeak dira, baina guk garrantzi handiagoa daukagu berrikuntza eta kalitatearen esparruetan”. Be­raz, euskal patronalek osaturiko federazio honen eginkizun nagusiena euren ahotsa entzunda ­izan dadila da.

Gaur egun, egoera ekonomikoa nola dagoen ikusita, ez da bat ere erraza norberaren beharrak be­larri aproposetan esleitzea edo ikusgai egitea. Ez belarririk edota begirik ez dagoelako, baizik eta itxita egon ohi direlako. Beraz, zuraren sektorean guztiak batera indar gehiago edukiko zutela pentsatu zuten. Beste modu batean azalduta: hiru probintzietako patronalak bat eginez, masa kritiko nahiko edukiko lukete “norbait” izateko, instituzioek kontutan har ditzaten.

Izan ere, federazio berri honen bidez bilatzen dutena euren iritzia goiko instan­tzietara helaraztea da. Hui­do­broren hitzetan: “orain ez dugu oihartzunik eta eskubide osoko solaskide bat izatea nahi dugu”. 

Bestalde, sektorea gaizki dagoen arren, FEMABASK sortzeko beste arrazoi bat jaitsiera honen kontrola hartzea da. Egoe­rari egokitzea da elkarte honen xedeetako bat. Guzti hori egiteko programa bereziak jarriko ditu ­abian. Alde batetik, prestakuntza uztartuko da, kalitatean hobetzeko. Beste alde batetik, prebentzioarekin lotutako hainbat ekintza burutuko dira. Gainera, gazteak ere kontutan hartuko dira eta programa bereziak garatuko dira haientzat. Bide honetan, formula berriak bilatuz, Altzairuaren Lan Fun­dazio bat sortzeko ideia garatu dute. Fran­cisco Huidobrok argi dauka egoera latza dela eta kontu handiz ibili behar dela. Egurra ­oso lotuta egon da beti ­eraikuntzari eta azken honek sekulako hondoratzea jasan du. Beraz, ­errealitatearekin jolastu behar duen federazio baten aurrean gaude. Eskenatoki ­txa­rre­nean sor­tu da, sektorearen enpresen erdiak euren ateak itxi dituztenean.

Guzti honetatik, FE­MA­BASK­entzat oso garrantzi­tsua da Ma­drileko Konfede­ra­zioan ahots propioa edukitzea. Ho­­rretarako, hori bai, Euskadik mundu honetan duen esperien­tzia jartzen dute Espainiako elkarteen esku. Federazioaren presidenteak hamarkadetan igaro den momenturik latzena dela dio baina, aldi berean itxaropentsu ager­tzen da. Izan ere, oso argi dauka egurra lehengai ezin hobea dela etxeak, aisialdi  lekuak eta lantokiak sor­tzerako orduan. Ildo honetan, berritzean datza eran­tzuna.

Izan ere, Huidobrok irmoki ­azaltzen du eraikinen berrikun­tzan babesa hartu behar izan dutela “sektorean irauten dugunok”. Eta bide horretatik joan beharra dagoela errepikatzen du. Errea­li­tatean murgiltzea omen da errezeta hoberena gaitzari aurre egiteko. Eta, kasu honetan, errealitatea da zura alde batera geratu dela merkeagoak diren beste materialak ordezkatuta. Honen aurrean, berrikuntza legearen aldaketa bat eskatzen dute. “Hobetu beharra dago”, dio Huidobrok.

Ho­geita hamar urte baino gehiagoko etxebizitza asko daudela azpimarratzen du eta horiek izan behar direla helburua azal­tzen du. Lege berriaren zain geratuko dira FEMABASKeko kideak, baina, euren lehenengo agerraldian dagoenaren errebisioa eskatu dute.

Zentzu honetan, askotan baztertuta sentitzen direla azaldu du federazioaren presidenteak. Zu­raren sektorea ingurumenari kalte egiten dion zer edo zer bezala ­ikusita dago. Askotan erlaziona­tzen da egurraren inguruko enpresa bat basoen suntsiketarekin. Erraza da imajinatzea eskrupulurik gabeko enpresaria induskagailuek lehenengo zuhaitzak botatzen dituzten bitartean. Erraza eta errealitatetik oso urrun. Izan ere, FEMABASKetik zehazten dutenez, sektore hau da basoen hazkuntza eta egoera gehien kon­trolatu eta hobetu nahi dutenak.

Gainera, askotan oharkabean pasatzen den zehaztapen bat egin behar da: egurra birziklatu daiteke, beste material batzuekin gertatzen ez dena, hain zuzen ere.
Oraindik enbor asko aurkituko dituzte bidean gurutzatuta. Ho­rietako bat kontsumoaren maila apala da. Minimo historikoetan kokatzen da eta altzairuaren sektorea gehien nabaritu duenetarikoa da. Francisco Hui­do­brok dudarik gabe ezartzen du krisia guztien ahotan dagoenez jendeak ez duela erosten. Dirua gorde, aurreztu egiten du eta kon­tsumoa ez da inola ere ez akti­batzen. Ez da lan erraza.

Es­painiako gobernuak hainbat plan jarri zituen ­abian kon­tsumitzaileentzat altzairuen prezioa hain altua ez izateko, “Renobe Planak” deritzonak. Arra­kasta izan zuten arren, kon­tsumoa igo zen arren, FEMA­BASKeko presidenteak goi­­bel dio ez direla berriz errepikatu eta joera gero eta txarrera joan dela. Horregatik, haratago begiratu behar dela dio. Zuraren sektorea bes­telako merkatu ba­tzuetara ireki behar dela, beldur barik. Be­rriketa da berriz irtenbide hoberena, baina, Huidobrok ­azal­tzen du beste esparru batzuk ere ikertu behar direla, hala nola, automobilgintza edota mekanizatuen sektorean.

Baina ez hori bakarrik. Azken finean, egurra ia esparru guztietan erabiltzen da: zoruak, trenbideak, itxigailuetan,… asko dira. Adar askotatik heldu daiteke enborrera.
Era berean, FEMA­BASKek neurri asko jarriko ditu martxan merkatuak, benetako enbor erraldoia, berreskuratzeko. Zuraren sektorea ahaztua izan da krisialdi honetan baina zuhaitzek barruan daramaten izerdi hori ­ateratzeko ordua heldu da.

Ez da bat ere ­erraza izango. Baina, hemendik aurrera, behin­tzat, Eus­kal Auto­nomi Erkide­goko hiru patronalek batera jardungo dute misio horretan. FEMABASK jaio da jada eta sektore honi esker bizi diren milaka langileengatik, gu­txienez, bizi luzea eta ona opa diogu.