SPRILURek 2011ko otsailean abiarazi du hamar urtetan zehar geldirik egon den proiektua. Honela, besteak beste, ARN enpresaren eraikin zaharrak eraitsi dira, esleitu da parkearen proiektua eta hasi dituzte kutsaduraren aurkako obrak. Ildo honetan, pasadan abenduan eman zitzaien ekintza eta inbertsioen egutegia Burtzeña Enpresa Parkea Administrazio Kontseiluko kide orori. Bestetik, Industri lurzoruaren kudeaketaz arduratzen den SPRI Taldeko (hau da, Industria, Berrikuntza, Merkataritza eta Turismo Sailaren menpeko sozietate publikoen multzoa) SPRILUR erakundeak adierazi duenez, Burtzeña Enpresa Parkeak (Barakaldoko Burtzeña enpresa parkea sustatuko duen sozietateak) ia 11,5 milioi eurotan baloratutako aktiboak dauzkala; datu hauek 2011ko otsailean egindako kanpo tasazio baten arabera eskaini dituzte.

Gainera, Eusko Jaurlaritzak (%49), Bizkaiko Foru Aldundiak (%41) eta Barakaldoko Udalak (%10) partaidetutako enpresa honetako kudeatzaileek ukatu egin dute 2,2 milioi euroko galera metatuak dauzkatela. Beraiek azaldu duten moduan, zifra hori parkea martxan jartzeko inbertsioei dagokie, eta inbertsio horien barruan lursailak erosi eta lurzorua deskontaminatu da. 155.000 metro koadroko azalera, gutxi gorabehera, izango duen parkeak ekintza eta inbertsioen egutegi bat dauka ezarrita eta inguruko inbertsioa aurreikusten da aurrekontuetan.

Iturria: Irekia.