Dagoeneko kontratatu daiteke Kutxabank Bermatua inbertsio fondo berria, epea amaitzean inbertsioaren %100 bermatzen du eta urtean 12 hilabeteko Euribor gehi %1eko errentagarritasun.

Inbertsio fondo berri bat da,  Kutxabank Bermatua izenekoa, erakundeak merkaturatu duen lehen finantza-produktua. 2015eko apirilera arteko iraupena duen fondo honek eginiko inbertsioaren %100 bermatzen du eta errentagarritasunari dagokionez 12 hilabeteko Euribor gehi %1 eskaintzen du, 2015eko apirilean bermea amaitzen denean ordainduko dena.

Kutxabank Bermatua arrisku profil txikiko inbertsio fondoa da. Fondoa kontratatu ahal izateko gutxiengo kopurua 100 eurokoa izango da, eta urte bakoitzeko apirilaren 30ean inbertsioa eskuratu ahal izango da, merkatuko prezioan eta berreskurapen komisiorik gabe. Horrez gain, beste erakundeetatik Kutxabank Bermatura datozen intsuldaketek %1erainoko ordainsaria jasoko dute.

Urteko lehen hilabeteotan, Kutxabanken lehentasunetako bat aurrezkia biltzeko ekintzetan datza, bezeroei kalitatean oinarritutako aurrezki-eskaintza zabala eginez. Eskaintza honen ezaugarrietako bat da balio erantsi handia eskaintzen diela bezeroei.  Arreta pertsonalizatuan oinarritzen da eta inbertsio aukera ezberdinak aztertzen dira kasu bakoitzean, merkatuen bilakaera, epeak, fiskalitatea edota berinbertsio aukerak aintzat izanik.

Testuinguru honetan, Index Gordailuen jaulkipen berria egin da. Gordailu hauek Kutxabanken bezeroei errentagarritasun interesgarria lortzeko aukera ematen diete, beren alorretan lidergoa duten hiru enpresen bilakaerari lotuta baitaude, hau da, Telefónica, Iberdrola eta Repsol enpresei. 61 hilabeteko epealdiarekin, bezeroari inbertitutako kapitalaren %100 berreskuratzeko bermea eta errentagarritasun oparoa lortzeko aukera ematen dio, urtean %3koa edo handiagoa.

BBK, Kutxa eta CajaSur erakundeen sare komertzialak Index Gordailua komerzializatzen ari dira dagoeneko, kontratazeko gutxiengo kopurua 500 eurokoa izanik. Aipatutako erakundeen bulegoetan egin daiteke kontratazioa jaulkipena amaitu bitartean.