Hamabi kilometro luze izango duen tranbia-linea garatu beharko du. Frantzia, Suitza, Mexiko, Espainia eta Portugalekin lehiatu da ets.
Euskal Trenbide Sarea erakunde publikoak, Eusko Jaurlaritzako Etxebizitza, Herri Lan eta Garraio Sailan ko­katua, elkarlanerako akordioa sinatu du Cuencako (Eku­ador) Udalarekin; horrela, hiri horretan tranbia eraikitzeko proiektua idatziko dute.

Proiektu honek 2,8 milioi euroko ekarpena egingo dio ETSri egitasmoa idazteagatik ­eta lana burutzeko bost hilabeteko epea izango da. Honela, Euskal Trenbide Sarea, Eusko Jaurlaritzaren esku dagoen eta ezaugarri horiek dituen nazioarteko kontratua lortu duen lehenengo enpresa publikoa bilakatu da.

Oraingo honetan, ETS-k balorazio onena eskuratu du le­hian aritu den enpresa guztien artean; izan ere, Frantziako SMTC-Coteba, Sui­tzako Rail, Mexikoko Siteur Poyri, Espai­niako Ineco eta Portuga­le­ko Fer­consult S.A. enpresa publikoekin aritu da. ETS-k bere esperientzia erakutsi du Bilboko eta Gas­te­izko tranbiak martxan jartzearekin, baita Bizkaiko hiriburuko metroa martxan ipin­tzearekin ere.

Cuencako proiektua 12 kilometro luze izango duen tranbia-linearen garapena da.